Бүгүн Момбеков айыл аймагындагы Ү. Сыдыков атындагы эс алуу багында Нооруз майрамына карата сүмөлөк кайнатуунун салттуу аземи жана майрамдык иш-чара жогорку деңгээлде өткөрүлдү.
Майрамдык иш-чарада Момбеков айыл өкмөтүнүн башчысы Бегалы Жармаматович айыл аймагынын тургундарын Нооруз майрамы менен куттуктады.
Нооруз - бул жаңылануунун, тазалануунун, үмүт менен жакшылыктын символу. Байыртан бери ата-бабаларыбыз бул күндү кең пейилдик, биримдик жана өз ара сый-урмат менен тосуп алышкан. Бүгүнкү күндө да ушул асыл салттарды улап, айылыбызда майрамды жогорку деңгээлдеги айылдын тургундарынын катышуусунда, ынтымакта жана тынчтыкта белгилеп жатканыбыз чоң сыймык.
Нооруз ар бир үйгө кут-береке, ден соолук жана ийгилик алып келсин! Айылыбызда тынчтык, өсүп-өнүгүү, эл арасында ынтымак бекем болсун!
Нооруз майрамыңыздар кут болсун!
“Элибиздин салттарын сыйлоо, тарыхын кадырлаган элдин келечеги кең” - болот демекчи, бүгүнкү майрамда мектеп, бала бакчалардын жана айыл талантууларынын өзгөчө сахналык көрүнүштөрү, кыргыз күрөшү, аркан тартмай, футбол, волейбол, улуттук тамак ашыбыз сүмөлөк кайнатуу менен коштолду.